ამ კადრების გმირები გოგონები არიან, რომლებიც 7 წუთის მანძილზე სცემდნენ მეგობარ გოგონას მხოლოდ იმის გამო, რომ მას არ აღმოაჩნდა სიგარეტი.

მოზარდებმა თანატოლს მუხლებზე დადგომა აიძულეს და სხეულსა და სახეში ურტყეს, თან განიხილავდნენ - როგორ დაერტყათ „უკეთ“, რომ კვალი არ დაეტოვებინათ.

მსხვერპლი მას შემდეგ გაუშვეს, რაც ეს უკანასკნელი ერთ კოლოფ სიგარეტს დაპირდა.

ინცინდენტის გამოძიება ვიდეოს ინტერნეტში გამოჩენისთანავე დაიწყო.
გაირკვა, რომ თავად კადრები მოზარდებმა გაავრცელეს, სავარაუდოდ, სხვების დაშინების მიზნით.

დადგინდა ისიც, რომ ინცინდენტი ესტონეთის ქალაქ ვალგას რუსულ სკოლაში მოხდა. ცნობილია მოძალადეთა ვინაობაც.

ძალადობის მსხვერპლი აღარ დადის სკოლაში, დირექციამ კი თავადაც ჩააყენა საქმის კურსში სამართალდამცველები, რომლებიც უკვე იძიებენ მომხდარს.