ავღანეთის პოლიციამ 20
წლის გოგონას მკვლელები დააკავა. ძირითადი ეჭვმიტანილები მოკლულის ქმარი, დედამთილი
და მამათილი არიან. აყვანილია ასევე ახალგაზრდა მამაკაცი სახელად ნაჯიბულა,
რომელმაც ფულის სანაცვლოდ ახალგაზრდა ქალთან სექსის სურვილი გამოთქვა.
როგორც გაირკვა,
გათხოვებიდან რამდენიმე თვეში ოჯახმა რძალს პროსტიტუციის სანაცვლოდ შინ ფულის
მიტანა მოსთხოვა, რაზეც ქალმა უარი განაცხადა.
როგორც ნაჯიბულამ
სამართალდამცავებს უამბო, დედამთილი დიდხანს არწმუნებდა მას რძალი მოეკლა.
შედეგად, დედამთილის დახმარებით ის გოგონას ოთახში შეიპარა და თავი მოჰკევთა.
ექსპერტების აზრით, ავღანეთში
ქალებზე ძალადობა ჩვეულებრივი მოვლენაა. მიმდინარე წლის დასაწყისიდან დღემდე 100
ანალოგიური შემთხვევაა დაფიქსირებული, თუმცა მოძალადეებსა და მკვლელებს იშვიათად
სჯიან.
Internet.ge
