საჩხერის რაიონულმა სასამართლომ, ქურდობაში ბრალდებულის, გურამ ბიწაძის მიმართ გამამართლებელი განაჩენი გამოიტანა.

გურამ ბიწაძეს ბრალი ედებოდა ქურდობაში, რომელიც  საქართველოს ს.ს.კ-ის 177-ე მუხლის პირველი ნაწილით, ჯარიმას ან თავისუფლების ერთიდან სამ წლამდე ვადით აღკვეთას ითვალისწინებდა.

სასამართლოს ინფორმაციით, ბრალდებული 2012 წლის 16 იანვარს, ჭიათურაში, ნინოშვილის ქუჩაზე მდებარე "ფარმა დეპო“-ს აფთიაქში, ფარულად, მართლსაწინააღმდეგო მისაკუთრების მიზნით, დაეუფლა ამავე აფთიაქში მყოფ ლიანა აბესაძის კუთვნილ 50 ლარიან კუპიურას.

სასამართლოში საქმის არსებითად განხილვის ეტაპზე ბრალდებულმა გურამ ბიწაძემ, წარდგენილ ბრალდებაში თავი არ ცნო დამნაშავედ და მოითხოვა გამართლება.

სასამართლო სხდომაზე საქმეში არსებული მტკიცებულებების გამოკვლევის შედეგად დადგინდა, რომ ბრალდებულის მხრიდან ადგილი არ ჰქონია მის მიმართ ბრალად შერაცხული ქმედების ჩადენას, მან აღნიშნული თანხა იპოვა აფთიაქის ტერიტორიაზე და არ ჰქონია სხვისი მოძრავი ნივთის მართლსაწინააღმდეგო მისაკუთრების განზრახვაც კი.

სასამართლომ ბრალდებული გურამ ბიწაძე უდანაშაულოდ ცნო წარდგენილ ბრალდებაში და მის მიმართ გამამართლებელი განაჩენი გამოიტანა .

Internet.ge