ლიუზიანას შტატის მცხოვრებ 20 წლის გოგონას კანის 90% აქვს დამწვარი. მან თავის დაწვა იმიტომ გადაწყვიტა, რომ რასისტული ორგანიზაციის კუ-კლუკს-კლანის დისკრედიტაცია მოეხდინა, თუმცა გამოძიებამ დაადგინა, რომ არანაირ თავდასხმას ადგილი არ ჰქონია, დაზარალებული კი ცრუ ჩვენებებს იძლევა.
ამ დროისათვის აფროამერიკელი შარმეკა მოფიტი უმძიმეს მდგომარეობაშია, თუმცა ექიმების თქმით, მის სიცოცხლეს საფრთხე არ ემუქრება. მან განაცხადა, რომ თეთრ სამოსში გამოწყობილი სამი მამაკაცი დაესხა თავს, ბენზინი შეასხეს და ცეცხლი წაუკიდეს.
გოგონას ავტომობილზეც კბილის პასტით კუ-კლუკს-კლანის აბრევიატურა იყო გამოსახული, ასევე ეწერა სიტყვა ზანგი.
მომხდარმა დიდი რეზონანსი გამოიწვია და მასში გამოძიების ფედერალური ბიუროც კი ჩაერთო, თუმცა გაირკვა, რომ ახალგაზრდამ ეს ყველაფერი თავად მოაწყო.
Internet.ge
