ყაზბეგის გამზირზე დაჭრილი 43 წლის მამაკაცის ჯანმრთელობის მდგომარეობა დამაკმაყოფილებელია. როგორც „ინტერნეტ.ჯი“-ს რესპუბლიკური საავადმყოფოს საზოგადოებასთან ურთიერთობის სამსახურში განუცხადეს, ლაშა მაღრაძეს ქირურგიული ოპერაცია ჩაუტარდა.

„პაციენტი საავადმყოფოში გამთენიისას შემოიყვანეს, მას მარცხენა ბარძაყზე ცეცხლსასროლი იარაღით მიყენებული ჭრილობა აღენიშნებოდა. ჩატარდა ოპერაცია, პაციენტის სიცოცხლეს საფრთხე არ ემუქრება“,- აცხადებენ ექიმები „ინტერნეტ.ჯი“-სთან საუბარში.

ცნობისთვის, სისხლიანი გარჩევა დღეს გამთენიისას მოხდა. უცნობმა პირმა წარსულში ნასამართლევ ლაშა მაღრაძეს ცეცხლი გაუხსნა.

ცნობილია, რომ მაღრაძემ მკვლელობისთვის სასჯელი მოიხადა. აღნიშნული ინციდენტი კი შელაპარაკების ნიადაგზე მოხდა.

Internet.ge