უკრაინის უმაღლესი რადას ნდობით აღჭურვილმა პირმა ადამიანის უფლებათა საკითხებში - ნინა კარპაჩოვამ, დაადასტურა, რომ ტიმოშენკო კოლონიაში სცემეს. ომბუდსმენმა თავად მოინახულა ექს-პრემიერი და ვიზიტის შემდეგ უკრაინული მე-5 არხის ეთერში განაცხადა, რომ ტიმოშენკო მართლაც ნაცემია და მას სხეულზე სისხლჩაქცევები აქვს:

„მე პირადად დავრწმუნდი. დაზიანებები არის მუცლის მარჯვენა ნაწილში და მარცხენა ხელზე - მხრისა და მტევნის არეში“ - განაცხადა ომბუდსმენმა.
თუმცა, ფიზიკურ ძალადობას უარყოფენ კოლონიაში.

„ტიმოშენკოს ცემას ადგილი არ ჰქონია, ნინა კარპაჩოვას მტკიცება მის სინდისზე იყოს“ - განაცხადა სახელმწიფო პენიტენციური სამსახურის უსაფრთხოების, რეჟიმისა და დაცვის დეპარტამენტის ხელმძღვანელმა - იუწყებიან უკრაინული გაზეთები.

internet.ge