გუშინ საღამოს, ქალაქ კანოს უნივერსიტეტში, სროლა დაიწყო და რამდენიმე აფეთქება მოხდა. „როიტერის“ მონაცემებით დაღუპულია, სულ მცირე, 15 ადამიანი, ძალიან ბევრი კი დაიჭრა.

სამაშველო სამსახურის წარმომადგენლის, აბუ ბაქარ ჯიბრილას განცხადებით, ტერორისტები იმ დროს დაესხნენ უნივერსიტეტს თავს, როცა უნივერსიტეტის დარბაზში ქრისტიანული ღვთისმსახურება მიმდინარეობდა.

სასწავლებლის ტერიტორიაზე და მის შემოგარენში 3-ზე მეტი აფეთქების ხმა გაისმა. ტერორისტებმა ადგილზე მისულ პოლიციას შეიარაღებული წინააღმდეგობა გაუწიეს.

სამართალდამცველებმა, რომლებმაც უნივერსიტეტს ალყა შემოარტყეს, შენობის  შტურმით აღება ვერ შეძლეს, თავდამსხმელებმა კი მიმალვა მოახერხეს.

აღნიშნულ ტერაქტზე, პასუხისმგებლობა, ჯერ-ჯერობით, არავის აუღია.

internet.ge