დიდუბე-ჩუღურეთის რაიონის პოლიციის თანამშრომლებმა, გატარებული ოპერატიული სამძებრო ღონისძიების შედეგად, ორგანიზებული დანაშაულებრივი ჯგუფის წევრები დააკავეს.

დაკავებულები არიან: გიორგი ფირანიშვილი და გიორგი გოგობერიშვილი.

ბრალდებულებმა ფირანიშვილმა და გოგობერიშვილმა, ამჟამად მსჯავრის ქვეშ მყოფ სხვადასხვა დანაშაულისთვის ნასამართლევ სამ პირთან: ვლადიმერ გორბინთან, მამუკა ჩიკვილაძესთან და რუსლან ალიმამედოვთან ერთად, 2008 წლის 28 მაისს,  ირანის მოქალაქის - რაშიდ ჰარიმ გარგარის კუთვნილი სარეცხი საშუალებების მაღაზია გაქურდეს, საიდანაც მოიპარეს სეიფი.

აღნიშნულ სეიფში 40 000 აშშ დოლარი და 20 000 ლარი იდო.

დაკავებულები აღიარებენ მათ მიერ ჩადენილ დანაშაულს. გამოძიება მიმდინარეობს საქართველოს სსკ-ის 177 მუხლით.

internet.ge