რუსეთში კანიბალიზმის შემთხვევებმა იმატა. Imternet.ge გუშინ, ვლადივოსტოკში 2 კაციჭამიას დაჭერის შესახებ იუწყებოდა. ამჯერად კი პოლიციამ პენზელი კანიბალი დააკავა, რომელმაც 7 ადამიანი მოკლა და შეჭამა. როგორც ირკვევა, ალექსანდრე ბიჩკოვი ამ საქციელით, შეყვარებული გოგონასთვის იმის დამტკიცებას შეეცადა, რომ „ჩვარი არ არის“. ეს დეტალები კი მისი დღიურის ჩანაწერებიდან გამჟღავნდა.

კანიბალი ბიჩკოვი გასულ ორშაბათს დააკავეს. როგორც სამართალდამცველები ამბობენ, დამნაშავის კვალზე სრულიად შემთხვევით გავიდნენ. ისინი ადგილობრივი სამეურნეო მაღაზიის ქურდობის ფაქტს იძიებდნენ, რის გამოც დააკავეს ბიჩკოვი. დაკითხვის დროს კი მან საშინელი ისტორიების თხრობა დაიწყო, - მოყვა, რომ კლავდა ადამიანებს, გვამებს ანაწევრებდა, ზოგიერთების ღვიძლს ჭამდა და მერე, სახლთან ახლომდებარე ხრამში მარხავდა.  ბიჩკოვი ფაქტობრივად იმ ისტორიას ყვებოდა, რომლის გამოც უკვე დადანაშაულებული და გასამართლებულია სრულიად სხვა ადამიანი, ვინმე ალექსანდრ ჟუპლოვი…

კანიბალის პირადი დღიურის შესწავლით გამომძიებლები იმ დასკვნამდე მივიდნენ, რომ ბიჩკოვი ადამიანებს ასე სასტიკად თვითდამკვიდრების მიზნით გაუსწორდა. ის იმედოვნებდა, რომ თუ მკვლელი გახდებოდა, საყვარელ გოგონას დაიბრუნებდა. მან მკვლელობები სწორედ სვეტკასთან ჩხუბის შემდეგ დაიწყო.

„სვეტკამ გამაგდო, მითხრა, რომ ჩვარი ვარ და არა მგელი, - წერს ბიჩკოვი, - მე მაგას დავუმტკიცებ. მან ხომ არ იცის და მასთან ლაპარაკიც არ შეიძლება“. 
ბიჩკოვი რამდენიმე წლის განმავლობაში აწარმოებდა დღიურს.
„თავის მსხვერპლს ის დანით უსწორდებოდა, ზოგს ღვიძლი ამოაცალა, რათა ეჭამა.  თავიდან ის 6 მსხვერპლზე ჰყვებოდა, შემდეგ კი მეშვიდე მოკლულის საფლავიც გვაჩვენა“ - თქვეს პოლიციაში.

დაკითხვისას, დადარდიანებულმა შეყვარებულმა ბიჩკოვმა აღიარა, რომ მკვლელობები მას თავდაჯერებულობას სძენდა. ხშირად, სისხლიანი დანაშაულების შემდეგ, კვალის წაშლის შემდეგ, ის თავის ყოფილ შეყვარებულთან მიდიოდა.

„სვეტასთან წავალ, - წერს მორიგი მკვლელობის შემდეგ კანიბალი, - ეგებ, მიხვდეს, რომ მე მარტოხელა მგელი ვარ“.

ბიჩკოვი ჯერ კიდევ ჩვენებებს იძლევა. გამომძიებლები დარწმუნებულნი არ არიან მის ფსიქიკურ ჯანმრთელობაში. ახლო მომავალში დაკავებულს შესაბამის ექსპერტიზას ჩაუტარებენ.

Internet.ge