გუანტანამოში,
ამერიკის სამხედრო ბაზაზე, 11 სექტემბრის ტერაქტის ორგანიზატორებს გაასამართლებენ.
მკვლელობასა
და სხვა დანაშაულებში ბრალი წაეყენება ხალიდ შეიხ მუჰამედს, რომელიც 2001 წელს
ამერიკაში განხორციელებული ყველაზე მასშტაბური ტერაქტის ერთ–ერთ მთავარ
ორგანიზატორად ითვლება. მასთან ერთად გაასამართლებენ კიდევ ოთხ თანამზრახველს.
სასამართლო
პროცესს დაესწრება ამერიკის 6 მოქალაქე – ტერაქტის შედეგად გარდაცვლილთა
ნათესავები, რომელთაც პროცესზე დასწრების უფლება კენჭისყრის შედეგად მოიპოვეს.
თუკი
ბრალდებულებს დამნაშავეებად ცნობენ, ისინი შესაძლოა სიკვდილით დასაჯონ. რამდენიმე
ხნის წინ ამერიკის კონგრესმა გადაწვიტა, რომ 11 სექტემბრის ტერაქტში ბრალდებულები
ამერიკის შეერთებული შტატების ტერიტორიაზე არსებულ სამოქალაქო სასამართლოებში არ
უნდა გაესამართლებინათ.
2001
წლის 11 სექტემბრის ტერაქტის შედეგად 3 ათასამდე ადამიანი დაიღუპა.
Internet.ge
