სამაშველო სამსახური მტკვარში გადავარდნილი  "ოპელის" მარკის მანქანის ამოყვანს ცდილობს. როგორც „ინტერნეტ.ჯი“-ს სამაშველო სამსახურის უფროსმა თემურ გიორგაძემ განუცხადა, შემთხვევა ზაჰესის ტერიტორიაზე მოხდა.  

„მაშველებმა მძღოლის ამოყვანა დროულად შეძლეს, ახლა მიმდინარეობს მუშაობა რაც შეიძლება სწრაფად ამოვიყვანოთ წყლიდან ავტომანქანა“,- განაცხადა გიორგაძემ.

მცხეთიდან თბილისის მიმართულებით მოძრავი ავტომობილი ზაჰესის ხიდიდან მდინარეში დღეს, დილით გადავარდა.

შემთხვევის ადგილზე 2 სამაშველო ჯგუფი მუშაობს.

Internet.ge