კომპანია „მენეჯმენტ სერვისი” კონტროლის პალატის გადაწყვეტილებას საქალაქო სასამართლოში გაასაჩივრებს. ამის შესახებ კომპანიის ადვიკატებმა სასტუმრო „თბილისი მარიოტში“ სპეციალურ ბრიფინგზე განაცხადეს.

„კონტროლის პალატამ მორიგი უკანონობა ჩაიდინა და "მენეჯმენტ სერვისი" 4 766 200 ლარით დააჯარიმა. ამ უკანონობას ჩვენ ადგილობრივ სასამართლოებში გავასაჩივრებთ, ჯერ - საქალაქოში, შემდეგ - სააპელაციოში, თუმცა დარწმუნებული ვართ, რომ მოგელაძის გადაწყვეტილებას ძალაში დატოვებენ, რის შემდეგაც უკვე სტრასბურგის სასამართლოს მივმართავთ“, - განაცხადა ეკა ბესელიამ.

კონტროლის პალატის გადაწყვეტილებას პოლიტიკურად მოტივირებულს და კერძო ბიზნესზე ზეწოლის ფაქტს უწოდებს „მენეჯმენტ სერვისის“ დირექტორი ბესიკ დემეტრაშვილი.

ცნობისთვის, კონტროლის პალატამ "მენეჯმენტ სერვისი" 4 766 200 ლარით დააჯარიმა.

კომპანია "მენეჯმენტ სერვისს" კონტროლის პალატის გადაწყვეტილების გასაჩივრება უახლოეს 10 დღეში შეუძლია.

Internet.ge