შინაგან საქმეთა სამინისტომ მამუკა ქარდავას ცემაში ეჭვმიტანილ პირებზე ინფორმაციის მიწოდებისთვის 10 000 ლარის ოდენებით ჯილდო დააწესა.

„შინაგან საქმეთა სამინისტროს სამეგრელო-ზემო სავანეთის სამხარეო შს ხობის  პოლიციის სამმართველოში, აღძრულია სისხლის სამმართლის საქმე ა/წ 20 მაისს მოქალაქე  მამუკა ქარდავას ცემის ფაქტზე, რომლის განცხადებით ფიზიკური შეურაცხყოფა მას მისთვის უცნობმა  პირებმა მიაყენეს.

შინაგან საქმეთა სამინისტრო აწესებს ჯილდოს 10 000 ლარის ოდენებით იმ მოქალაქისთვის, ვინც გამოძიებას მიაწოდებს ღირებულ ინფორმაციას, აღნიშნულ დანაშაულში მონაწილე პირების ვინაობის დადგენის მიზნით. ანონიმურობა გარანტირებულია“,- ნათქვამია შსს-ს გავრცელებულ განცხადებაში.

პოლიციის ინფორმაციით, პატრულირებისას, ხობის რაიონული სამმართველოს ინსპექტორ-გამომძიებლებმა აღმოაჩინეს, რომ  მამუკა ქარდავა მისი მართვის ქვეშ მყოფი „ფორდი"-ს მარკის მსუბუქი ავტომანქანით, სახელმწიფო სანომრე ნიშნით MAO-042 შეჯახებული იყო იქვე, რკინიგზის გადასარბენზე მდგარ მოსაცდელის ლითონის ბოძს.

როგორც შსს-ში აცხადებენ,  20 მაისს, ინსპექტორ-გამომძიებელთან გასაუბრებისას, ქარდავამ განაცხადა, რომ მას მოუვიდა ავარია, ხოლო ცემის შესახებ არაფერი უთქვამს.

თუმცა, იმავე დღეს, „ქართული ოცნების“ ერთ-ერთი წევრის, ირაკლი ალასანიას პრესსამსახურმა გაავრცელა ვიდეოჩანაწერი სადაც „ქართული ოცნების" ხობის შტაბის ხელმძღვანელი ყვება, რომ  მას მანქანაში ჩაუჯდა და ფიზიკური შეურაცხყოფა მიაყენა რამდენიმე ნიღბიანმა პირმა.

Internet.ge