ქუთაისის პარლამენტთან
მომხდარი უბედური შემთხვევის გამო, სამართალდამცველებმა დავით ქავთარაძე დააკავეს.
საქართველოს მთავარი პროკურატურის მიერ გავრცელებული განცხადების თანახმად,
ქალაქ ქუთაისში, ირაკლი აბაშიძის გამზირზე, ადმინისტრაციული შენობების მიმდებარედ არსებულ მშენებლობაზე, სამშენებლო კომპანიის თანამშრომლის გარდაცვალებასთან დაკავშირებული გამოძიების მიმდინარეობისას დადგინდა, რომ მშენებლობის უსაფრთხოებაზე პასუხისმგებელმა პირმა, სამშენებლო კომპანიის საქმისმწარმოებელმა
დავით ქავთარაძემ არ უზრუნველყო უსაფრთხოების წესების დაცვა, რის გამოც 2012 წლის 07 ივნისს ჩამონგრეული სამშენებლო ხარაჩოს ქვეშ მოჰყვა და მიღებული ტრავმებისგან გარდაიცვალა სამშენებლო კომპანიის თანამშრომელი რეზო ნებიერიძე.
„2012 წლის 09 ივნისს დავით ქავთარაძე ბრალდებულად იქნა ცნობილი დანაშაულისთვის, რომელსაც ითვალისწინებს სისხლის სამართლის კოდექსის 240-ე მუხლის მეორე ნაწილი“,- ნათქვამია განცხადებაში.
შეგახსენებთ, რომ
ქუთაისის პარლამენთთან მიმდებარე მშენებლობაზე რამდენიმე დღის წინ, ხარაჩო ჩამოინგრა.
ინციდენტის შედეგად არავინ დაშავებულა, თუმცა დაიღუპა ერთი ადამიანი.
სასამართლომ დააკმაყოფილა პროკურატურის შუამდგომლობა აღკვეთის ღონისძიების სახით პატიმრობის გამოყენების შესახებ.
Internet.ge
