ნაფიც მსაჯულთა სასამართლომ, ზურა ტარყაშვილის მკვლელობის საქმესთან დაკავშირებით, კიდევ ერთი მოწმე - გია გაზდელიანი დაკითხა.

გია გაზდელიანი მკვლელობის უშუალო მოწმე გახლავთ, მან მკვლელებს შორის ივერი გოგბერაშვილი, ირაკლი აგლაძე და დავით რუსიშვილი ამოიცნო.

შეგახსენებთ, რომ გამოძიების ვერსიით, ნარკოტიკული დანაშულისთვის პირობითი მსჯავრის მქონე 53 წლის ივერი გოგბერაშვილი, ამავე დანაშაულისთვის მსჯავრდებულ პრობაციონერს - 19 წლის გიორგი რუსიშვილს და ყაჩაღობისთვის გასამართლებულ 23 წლის ირაკლი აგლაძეს დაუკავშირდა და წინასწარი შეთანხმებით, ჯგუფურად, ზურა ტარყაშვილის მკვლელობა განახორციელა თბილისის ცენტრალურ ქუჩაზე, რა დროსაც უამრავი ადამიანი მოძრაობდა.

ზურა ტარყაშვილს, ივერი გოგბერაშვილმა, ირაკლი აგლაძემ, დავით რუსიშვილმა და რამდენიმე პირმა, რომელთა ვინაობაც ჯერჯერობით არ ხმაურდება, ცეცხლი ერთდროულად გაუხსნეს. მას 11 ჭრილობა ჰქონდა მიყენებული.   

გია გაზდელიანის ჩვენებით, ზურა ტარყაშვილს აღნიშნული პირები, რუსთაველის გამზირზე ჯალათებივით მისდევდნენ და განზრახვა სისრულეში მოიყვანეს.

internet.ge