მმართველი გუნდი მათ ვებ-გვერდზე განხორციელებული კიბერშეტევის ფაქტზე სამართალდამცველებს რეაგირებას სთხოვს. 

როგორც ‘’ინტერნეტ.ჯი"-ს „ნაციონალიური მოძრაობის“ პრესსამსახურიდან აცნობეს, დღეს, მოქალაქეთა პოლიტიკური გაერთიანება „ერთიანი ნაციონალური მოძრაობის“ ოფიციალურ ვებ-გვერდზე (www.unm.ge) კიბერშეტევა განხორციელდა, რის გამოც რამდენიმე საათის განმავლობაში, ვებ-გვერდის ფუნქციონირება შეფერხდა და არაერთი მნიშვნელოვანი ინფორმაცია წაიშალა. 

მათი ცნობით, ამჟამად ვებ-გვერდის ფუნქციონირება სრულად არის აღდგენილი და მომხმარებლებს ჩვეულ რეჟიმში შეუძლიათ ისარგებლონ „ერთიანი ნაციონალური მოძრაობის“ ვებრესურსებით.

„ნაციონალური მოძრაობა“ მიმართავს სამრთალდამცავ ორგანოებს, აღნიშნულ ფაქტთან დაკავშირებით შესაბამისი რეაგირება მოახდინონ.

internet.ge