სოჭის ადლერის რაიონულმა სასამართლომ აფხაზეთიდან ჩასული პირების მიმართ განაჩენი გამოიტანა. კონსტანტინ სმირი, ადგურ ცვეიბა და ვაგარშაკუ დუდუკჩიანუ იარაღით ვაჭრობასა და კონტრაბანდაში არიან ბრალდებულები - იუწყება რუსეთის ფედერაციის გენერალური პროკურატურა.

სამართალდამცავებმა დაადგინეს, რომ 2010 წლის აგვისტოდან 2011 წლის თებერვლამდე აღნიშნულმა პირებმა ხუთჯერ მოახერხეს ცეცხლსასროლი იარაღის გაყიდვა და მისი კონტრაბანდა რუსეთის ფედერაციის საზღვარზე.

ორგანიზებული ჯგუფის წევრები 5 კალაშნიკოვის, ორი რევოლვერისა და „ტეტეს“ სისტემის პისტოლეტის რეალიზაციის ფაქტზე დააკავეს.

სმირს 11 წლით, ცვეიბას 10 წლით თავისუფლების აღკვეთა და ჯარიმები დაეკისრათ. დუდუკჩიანუს კი 3-წლიანი პირობითი სასჯელი გამოუტანეს.

internet.ge