4 დნეპროპეტროვსკელ ტერორისტს, რომლებიც ზაპოროჟიეში, ხარკოვსა და დნეპტოპეტროვსკში ტერაქტების ორგანიზებაში არიან ბრალდებულები, ერთ თვეში გაასამართლებენ. ეს პერიოდი იმ 150-მდე ექსპერტიზას სჭირდება, რომელსაც გამოძიება ატარებს.

როგორც უკრაინული „სეგოდნია“ იუწყება, აღნიშნული ჯგუფი აფეთქებებს კიევშიც გეგმავდა, კონკრეტულად რომელ ობიექტზე, გამოძიება ჯერჯერობით არ ახმაურებს. ცნობილი გახდა ისიც, რომ დაკავებულთაგან ერთი - ვიქტორ სუკაჩევი, დნეპროპეტროვსკის ნაციონალური უნივერსიტეტის პოლიტოლოგიის კათედრის პედაგოგია, მეორე - ვიტალი ფედორიაკი კი იმავე კათედრის ასისტენტი.

აფეთქებების სერია დნეპროპეტროვსკში 27 აპრილს მოხდა, რომლის შედეგად სხეულის დაზიანება მიიღო 30-მდე ადამიანმა. რამდენიმე დღეში უკრაინული მედია ტერაქტების შედეგად გარდაცვლილი 8 ადამიანის შესახებ იუწყებოდა, თუმცა ოფიციალურად ეს ინფორმაცია არავის დაუდასტურებია.

internet.ge