თურქეთში საქართველოს სამი მოქალაქე დააკავეს, რომლებიც სუპერმარკეტებსა და მაღაზიებს ძარცვავდნენ. როგორც თურქული მედია იუწყება, ქართველებს მაღაზიებიდან ტანისამოსი სპეციალური ჩანთის საშუალებით და დეტექტორების გვერდის ავლით გამოჰქონდათ.

ერთ-ერთი ასეთი ძარცვის დროს დამნაშავეები ვიდეოკამერებმა დააფიქსირეს, რის საფუძველზეც პოლიციამ სამი დღის შემდეგ შეძლო საქართველოს მოქალაქეების დაკავება. ერთ-ერთი მაღაზიიდან მძარცველებმა ტყავის ქურთუკები მოიპარეს, რომელთა ღირებულებაც 459 დოლარს შეადგენდა.

მედია ავრცელებს დაკავებულთა სახელებსაც: 39 წლის დავითი, 47 წლის ტარიელი და 40 წლის დავითი.

internet.ge