ვალერი მიხაილოვი, რომელსაც 18 წლით თავისუფლების აღკვეთა მიუსაჯეს, აშშ-ის ცენტრალურ სადაზვერვო განყოფილებას იმ დოკუმენტების ასლებს აწვდიდა, რომლებიც უშუალოდ ქვეყნის ხელმძღვანელთათვის იყო განკუთვნილი. საქმე 2001-2007 წლებს ეხება და საუბარია, ძირითადად დოკუმენტებზე, რომლებსაც გრიფი „საიდუმლო“ და „სრულიად საიდუმლო“ ედო - წერს „კომერსანტი“.

გამოძიებამ დაადგინა, რომ მიხაილოვმა სანაცვლოდ 2 მილიონი დოლარი მიიღო.

აგენტი ამერიკის სპეცსამსახურთან კონტაქტზე 2001 წელს გავიდა და თავად შესთვაზა თანამშრომლობა. მას ჩიპზე გადაჰქონდა საიდუმლო დოკუმენტები და სპეციალურ სამალავებში მალავდა. 2007 წელს სწორედ ერთ-ერთი ასეთი სამალავის სიახლოვეს დააკავეს ამერიკელი აგენტი. იმავე წელს მიხაილოვი „ფსბ“-დან წავიდა და აშშ-ში გადავიდა საცხოვრებლად.

მისი გამოვლენა ვიდეოჩანაწერებით შეძლეს, 2010 წელს კი ამერიკიდან მოსკოვში ჩამოიტყუეს და დააპატიმრეს - წერს ‘’კომერსანტი".

მოსკოვში ვარაუდობენ, რომ შესაძლოა, ამერიკა მიხაილოვის ვიქტორ ბუტზე გაცვლას დათანხმდეს, რომელიც იარაღით ვაჭრობის გამოა დაპატიმრებული.

internet.ge