პოლიციამ 26 წლის მამაკაცი დააკავა, რომელიც საჭეს ნასვამ მდგომარეობაში მართავდა. მძღოლი ნარკოდამოკიდებული, ადრე ნასამართლევი პირი აღმოჩნდა, რომელიც როგორც გაირკვა, გატაცებულ ავტომანქანაზე იჯდა: დაკავებამდე ერთი საათით ადრე, წითელი ნივა, რომლითაც ის კრასნოსელსკის ერთი სოფლიდან მეორეში მიდიოდა, ძებნაზე იყო გადაცემული.

მანქანის მეპატრონე ამ ისტორიის გმირის მამა აღმოჩნდა, რომელმაც პოლიციას უთხრა, რომ მისი შვილი „სტაჟიანი ნარკომანია“, პირველად არ იტაცებს მანქანას და სამართალდამცველებს მისი დაჭერა და ციხეში ჩასმა სთხოვა:

„მთელი უბანი ნარკომანია... ზოგი მოკვდა. უკეთესია, ჩასვათ, ცოცხალი მაინც გადარჩება...“ -ითხოვა მამამ.

დაკავებულმა გატაცებული ავტომანქანით ავარიაც მოხდინა. ჩერნორეჩიეს მიკრორაიონში „ჟუგულს“ შეეჯახა. პოლიციელებს კი, რომლებიც სიჩქარის გადაჭარბების გამო აედვნენ, წინააღმდეგობა გაუწია.

როგორც სამართალდამცველებმა აღნიშნეს, სისხლში ალკოჰოლის შემცველობის, ავტომანქანის გატაცებისა და მართვის უფლების გარეშე ავტომანქანის საჭესთან ჯდომის გამო, დაკავებულს, სასჯელის „ბუკეტი“ გამოსდის.

internet.ge