საქართველოს შინაგან საქმეთა სამინისტრო სოფელ კარალეთში მომხდარ ინცინდენტში მონაწილე პირების იდეტინფიცირებას ახდენს. ამის შესახებ შსს-ს მიერ გავრცელებულ განცახდებაშია ნათქვამი.

„2012 წლის 12 ივლისს სოფელ კარალეთში მოხდა ინციდენტი, კოალიცია "ქართული ოცნების" მომხრეებსა და მოწინააღმდეგეებს შორის სიტყვიერ შეურაცხყოფას მოყვა ფიზიკურ შეხლა-შემოხლა. აღნიშნულ ფაქტზე დაწყებულია გამოძიება და პოლიციის მიერ ხორციელდება მომხდარ ფაქტში მონაწილე პირების იდეტინფიცირება.

ამასთან, შინაგან საქმეთა სამინისტრო მოუწოდებს ყველას გამოიჩინონ მაქსიმალური თავშეკავებულობა,  ნებისმიერი მოქალაქის ქმედება მოქცეული უნდა იყოს კანონიერების ფარგლებში“,- ნათქვამია განცხადებაში.

გავრცელებული ინფორმაციით, კოალიცია „ქართული ოცნების“ წევრების ვიზიტი კარალეთში ხელჩართულ ბრძოლაში გადაიზრდა.  კოალიციის მხარადმჭერები და კომპაქტურად ჩასახლებული დევნილები პოლიტიკური შეხედულებების გამო ერთმანეთს ფიზიკურად გაუსწორდნენ. დაშავდა რამდენიმე ადამიანი.

internet.ge