ჰაკერებმა Yahoo-ს 453 ათასი ექაუნთის საიდენტიფიკაციო მისამართი და პაროლი გაასაჯაროეს. ეს მონაცემები ჩვეულებრივი ტექსტური ფაილის სახით D33D Company-ს ვებ-გვერდზე დაიდო. მიუხედავად ამისა, Yahoo-ში პაროლების გატეხვის ფაქტს არ ადასტურებენ.

თავად ჰაკერებმა იმედი გამოთქვეს, რომ სერვერის უსაფრთხოებაზე პასუხისმგებელი პირები ამ ფაქტს „საგანგაშო სიგნალად მიიღებენ და არა მუქარად“:

„Yahoo-ს უსაფრთხოების სისტემაში ჩვენ ბევრი სუსტი წერტილი ვნახეთ, რამაც შესაძლოა ბევრად უფრო დიდი ზარალი გამოიწვიოს, ვიდრე ჩვენ მიერ გახსნილმა მონაცემებმა. ძალიან გთხოვთ, ყურადღებით მოეპყარით ამ საკითხს. მომავალი შეტევების თავიდან ასაცილებლად, ჩვენ არ გავხსენით ამ სისტემის სხვა სუსტი წერტილები,“ - ნათქვამია ჰაკერთა განცხადებაში, რომელიც მათ txt-ფაილში დატოვეს.

internet.ge