უზბეკეთის მკვიდრი, 22 წლის ულუგბეკ კოდიროვი 15 წელს ამერიკის ციხეში
გაატარებს იმის გამო, რომ ბარაკ ობამაზე თავდასხმას გეგმავდა.
კოდიროვმა დანაშაული ნაწილობრივ აღიარა, რის გამოც თავიდან აიცილა
სამუდამო პატიმრობა. ამასთან, მოსამართლეებმა ის არ ჩათვალეს განსაკუთრებით საშიშ
დამნაშავედ.
ეს შემთხვევა შეიძლება ნათელი მაგალითი იყოს იმისა, თუ როგორ შეიძლება
ახალგაზრდობა ხელისუფლების მიმართ რადიკალურად განწყობილი გახდეს ინტერნეტში
ტერორიზმის პროპაგანდის გამო.
კოდიროვი ალაბამში საცხოვრებლად 2009 წელს გადავიდა, ის თავს
მარტოსულად გრძნობდა და მისი გართობის ერთადერთი საშუალება ინტერნეტში თანამოსაუბრეების
მოძიება იყო. მან არ იცოდა ინგლისური, ამიტომ მისი პრიორიტეტი არაბულენოვანი ვებ-გვერდები
იყო, მაგალითად, ჯიჰადის ფორუმები.
ისლამის მიმდევრები, მათ შორის მისი მოძღვარი „ემირი“ მას ვიდეოებს
აჩვენებდა, რომლებშიც ამერიკელები სხვა ნაციონალობის ადამიანებს დასცინოდნენ, მათ
შორის, აზიელებს. „ემირმა“ დააჯერა ახალგაზრდა, რომ ამერიკელები მთლიანად სასტიკი
ერი იყო.
შედეგად, კოდიროვმა გადაწყვიტა მოეკლა ბარაკ ობამა მისი ერთ-ერთი
წინასაარჩევნო გამოსვლის დროს, თუმცა ამის შესახებ არასანდო ადამიანს აცნობა,
რომლის წყალობითაც კოდიროვი 2011 წლის 13 ივლისს დააკავეს, განაჩენი კი გუშინ
გამოუტანეს.
internet.ge
