შინაგან საქმეთა სამინისტრომ, გიორგი ფოჩხუას მკვლელობასთან დაკავშირებით, ოფიციალური განცხადება გაავრცელა.

როგორც განცხადებაშია ნათქვამი, დაკავებულია ფოჩხუას განზრახ მკვლელობაში ბრალდებული, 1992 წელს დაბადებული ბექა ცობეხია, რომელსაც ბრალი ედება საქართველოს სსკ-ის 108-ე მუხლით.

„დაკავებული აღიარებს ჩადენილ დანაშაულს, რომლის მოტივადაც სახელდება ურთიერთშელაპარაკება. ასევე დაკავებულია ბრალდებულის მეგობარი, დაცვის პლიციის თანამშრომელი, ნიკოლოზ ბაძაღუა, რომელიც ბრალდებულია საქართველოს სსკ-ის 332-ე მუხლით, სამსახურებრივი უფლებამოსილების ბოროტად გამოყენება“,- ნათქვამია განცხადებაში.

პოლიციის მიერ ამოღებულია გარდაცვლილის ფოტოაპარატი და მობილური ტელეფონი.

Internet.ge