მოსკოვში არ დადასტურდა ორი მანდილონის მიერ ტროლეიბუსის გატაცების ფაქტი. როცა სამართალდამცველები მითითებულ ადგილზე მივიდნენ, იქ არაფერი ხდებოდა - იუწყება რუსული მედია.

დაახლოებით საათნახევრის წინ ზოგიერთმა რუსულმა გამოცემამ, მათ შორის „ლაიფ-ნიუსმა“ გაავრცელა ინფორმაცია, რომ მოსკოვში, ორმა ქალბატონმა ტროლეიბუსი გაიტაცა, მგზავრები მძევლად აიყვანა და აფეთქებითაც კი იმუქრებოდნენ.

როგორც გაირკვა, შსს-ს მოსკოვის განყოფილებაში მართლაც დარეკა უცნობმა, რომელმაც აღნიშნული ისტორია მოყვა და პოლიციას სასწრაფოდ კახოვკის ქუჩაზე გასვლა სთხოვა.

სამართალდამცველები ახლა სატელეფონო ზარის ავტორს ეძებენ.