კრიმინალისტებმა დაადგინეს ადამიანის ემბრიონთა ზუსტი რაოდენობა, რომლებიც სვერდლოვსკის მხარეში ტყეში გადაყრილი აღმოაჩინეს. სპეციალისტებმა 50 სრული და 200-მდე დანაწევრებული სხეული იპოვნეს.

ამჟამად ყველა ემბრიონის სხეული ქალაქის მორგშია გადაყვანილი, სადაც საერთაშორისო ექსპერტები აწარმოებენ გამოძიებას. პოლიციის თანამშრომლები ადგილობრივ საავადმყოფოებსა და ახლოს მდებარე სახლებში რეიდებს ახორციელებენ, რათა საზარელი სასაფლაოს წარმოქმნის გარემოებები და მიზეზები დაადგინონ.

ურალის ტყეში ადამიანის ემბრიონებით სავსე კასრები გუშინ არმოაჩინეს. პლასტმასის 4 კასრში 50 ემბრიონი ეყარა, რომლებიც ფორმალდეჰიდში იყო დამუშავებული. ემბრიონებს საიდენტიფიკაციო ნიშნები ჰქონდათ მიკრული, რომელზეც გვარი და ნომერი იყო მითითებული - სავარაუდოდ, იმ პალატის, რომლებშიც ორსული ქალი იწვა.

Internet.ge