გამოძიება ვარაუდობს, რომ
ემბრიონებით სავსე 4 კასრი ურალის მთავარი სამედიცინო სასწავლებლის ყოფილმა
თანამშრომელმა ცდების ჩასატარებლად მოიპარა.
პოლიციამ შემოწმებისას
დაადგინა, რომ ემბრიონები, პრაქტიკულად, მუმიფიცირებულია, მათი ასაკი, საშუალოდ,
ორსულობის 22-26 კვირას შეადგენს - განუცხადა „ლაიფ-ნიუსს“ სვერდლოვსკის შსს-ს მთავარი
განყოფილების პრესსამსახურის ხელმძღვანელმა ვალერი გორელიხმა. მისივე თქმით, ტყეში
უკვე ნაპოვნია 113 ე.წ. ბირკა, - სამედიცინო დაწესებულების დასახელებით, კონკრეტული
ვადებითა და ქალების გვარებით.
პოლიციის აზრით,
ემბრიონები, სამეცნიერო მასალაა, რომელიც მეან-გინეკოლოგიის კათედრაზე ლაბორატორიაში
გამოსაკვლევად მიჰქონდათ.
“ერთ-ერთი ჩვენი თანამშრომელი მართლაც ატარებდა სამეცნიერო ცდებს
აბორტების შემდეგ, რათა პათოლოგიების ზუსტი მიზეზი დაედგინა,” - აცხადებს
ურალის სამედიცინო აკადემიის პროფესორი სერგეი კუტეპოვი.
მისი თმით, ერთი წლის წინ
ეს თანამშრომელი ქალი გააგდეს სამსახურიდან, რის შემდეგაც მან თან წაიღო
სამეცნიერო მასალა, რათა, სავარაუდოდ, კვლევა გაეგრძელებინა. თუმცა რატომ უნდა
გადაეყარა მას ემბრიონები, გაურკვეველია.
ასევე დადგენილია, რომ აღნიშნული ქალბატონი იცავდა დისერტაციას და ემბრიონებს
კანონიერად აგროვებდა მორგიდან, - 500-გრამიანებს, რათა მათზე ცდები ჩაეტარებინა, მაგრამ
ამ ემბრიონების აღრიცხვა მორგში არ ხდებოდა და ჯერჯერობით ვერავინ ამტკიცებს, რომ ეს
ის ემბრიონები იყო, რომლებიც ტყეში გადაყრილი იპოვეს.
გამოძიება ახლა აღნიშნულ
ქალბატონთან დაკითხვებს ატარებს.
internet.ge
