Life News-ის ჟურნალისტების საჩივრის საფუძველზე, მოსკოვის პოლიციამ სისხლის სამართლის საქმე აღძრა ქსენია სობჩაკსა და ოპიზიციონერ ილია იაშინზე, ამის შესახებ ტვიტერში შეტყობინება განათავსა Life News-ის მთავარმა რედაქტორმა - აშოტ  გაბრელიანოვმა. „ინტერფაქსის" ცნობით, საქმე აღძრულია რუსეთის ფედერაციის სისიხლის სამართლის კოდექსის 167-ემუხლით (ქონების განძრახ დაზიანება).

საინფორმაციო სააგენტოს თანამშრომლებმა პოლიციას განცხადებით მიმართეს იმის თაობაზე, რომ სობჩაკი და იაშინი მათ თავს დასხნენ. iNews მედიაჰოლდინგის ღია წერილში ნახსენებია, რომ ჟურნალისტებს მათ კამერა დაუმტვრიეს.

კონფლიქტი სამიკიტნო "Твербуль"-ში მას შემდეგ მოხდა, რაც Life News-ის ჟურნალისტები ცდილობდნენ ჩაეწერათ სობჩაკის და იაშინის საუბარი. ამ შეხვადრაზე აგრეთვე იმყოფებოდნენ მახეილ პროხოროვის საარჩევნო შტაბის უფროსი - ანტონ კრასოვსკი, "Сноб"-ის მთავარი რედაქტორი - ნიკოლაი უსკოვი და ტელეკომპანია "Дождь"-ის დამაარსებელი ნატალია სინდეევა.

თავის მხრივ, ქსენია სობჩაკის განცხადებით, მას გააჩნია რესტორნის ვიდეო კამერების ჩანაწერები, რომლებიც აბათილებენ Life News-ის ჟურნალისტების ბრალდებებს. გარდა ამისა, მან თვითონაც ჩაიწერა ტელეფონზე კონფლიქტის რამდენიმე ფრაგმენტი.

ინციდენტის შემდეგ, სობჩაკმა აშოტ გაბრელიანოვი თავის გადაცემაში მიიწვია და  პირობა დადო, რომ აჩვენებდა იმ ჩანაწერებს, რომლებიც რესტორნის კამერებმა გადაიღეს, თუმცა რესპონდენტისგან უარი მიიღო.