ჟურნალისტ ეკა ბერიძის შვილზე - ბექა ჯიბლაძეზე საერთაშორისო ძებნაა გამოცხადებული. შსს-ს ინფორმაციით, მან საქართველოს საზღვარი ადამიანის დაჭრის შემდეგ მალევე დატოვა. 

როგორც “ინტერნეტ.ჯი”-ს შინაგან საქმეთა სამინისტროს პრესსამსახურის ხელმძღვანელმა სალომე მახარაძემ განუცხადა, შემთხვევა 2 აგვისტოს, გვიან ღამით, ერთ-ერთი ბარში მოხდა.

თანხის გადახდის დროს შელაპარაკების შედეგად, ჯიბლაძემ ბარის თანამშრომელს თავის არეში ცივი იარაღით, ჭრილობები მიაყენა და ადგილიდან მიიმალა.

ჯიბლაძეს  ბრალი სსკ-ის 118-ე, 19-108-ე და 239-ე მუხლის მე-3 ნაწილით აქვს წაყენებული.

ამ დროისათვის დაკავებულია გასვიანი, რომელიც ინციდენტის დროს ბექა ჯიბლაძესთან ერთად იმყოფებოდა. გასვიანს ბრალი ხულიგნობის მუხლით აქვს წაყენებული.

რაც შეეხება დაშავებულს მის სიცოცხლეს საფრთხე არ ემუქრება.

Internet.ge