ანტონ კალოურის, რომელიც ელექტრონული წერილით აშშ-ის პრეზიდენტის ბარაკ ობამას მოკვლით იმუქრებოდა, 25 წლით თავისუფლების აღკვეთა ელის - მუქარისა და დაკავებისას გაწეული წინააღმდეგობის გამო.

31 წლის სიეტლის მცხოვრები საკუთარ სახლში აშშ-ის საიდუმლო სამსახურმა დააკავა.

როგორც „როიტერი“ იუწყება, კალოურიმ დაზვერვის ფედერალურ ბიუროს წერილი გაუგზავნა, რომელშიც ობამას მოკვლით იმუქრებოდა.

„მე მოვკლავ პრეზიდენტს! მოდით და ამიყვანეთ. გაძლევთ 7 დღეს,“ - დაწერა მან.
სპეცაგენტები ეჭვმიტანილის ბინაში მივიდნენ, თუმცა დაკავებისას მამაკაცმა მათ წინააღმდეგობა გაუწია. ჩხრეკისას კი ბინიდან 5 ერთეული იარაღი ამოიღეს, მათ შორის - 2 ავტომატი.

Internet.ge