დაღესტანში დაძაბული სიტუაციის პარალელურად მასშტაბური სწავლება მიმდინარეობს, რომლის ფარგლებშიც საგანგებო სიტუაციების ლიკვიდაციისა და გაფრთხილების ერთიანი სახელმწიფო სისტემის ორგანოების საშუალებებისა და ძალების პრაქტიკული წვრთნა ხდება.

გათამაშებულ იქნა სიტუაცია ტერაქტის შემთხვევაში: ერთ-ერთ კაფეში, სადაც 150 ადამიანი იმყოფებოდა, მათ შორის, 15 ბავშვი, ტერორისტი-თვითმკვლელი შევიდა და ასაფეთქებელი მოქმედება მოიყვანა მოქმედებაში.

სწავლების ლეგენდის თანახმად, აფეთქების შედეგად დაზარალდა 50 ადამიანი, აქედან 10 დაიღუპა.

ერთ წუთში ადგილზე მივიდა საგანგებო სიტუაციების დაღესტნის სამსახური ტექნიკით, 6 წუთში კი რუსეთის საგანგებო სიტუაციების სამინისტროს ჯგუფი, რომლებმაც დაშავებულები საავადმყოფოებში გადაიყვანეს, მათ ნათესავებს კი შესაბამისი ფსიქოლოგიური დახმარება აღმოუჩინეს.

ამის შემდეგ კი შს რაიონული განყოფილების ძალებით შემთხვევის ადგილს ალყა შემოარტყეს. რუსეთის ‘’ფსბ"-მ კი გამოძიება დაიწყო. მოსახლეობას მედიით შეატყობინეს საგანგებო შემთხვევისა და მისი ლიკვიდაციის შესახებ.

მთლიანად, ტერაქტის შედეგების ლიკვიდაციაში ჩართული იყო 133 ადამიანი და 40 ერთეული ტექნიკა.

internet.ge