ამის შესახებ "ნეზავისიმაია გაზეტა" წერს. გამოცემის ინფორმაციით, რუსეთის თავდაცვის სამინისტრო ჩრდილოეთ კავკასიაში მიმდინარე ანტიტერორისტულ ოპერაციაში არმიის ნაწილების ჩართვას გეგმავს.

აღნიშნული გადაწყვეტილება ჯერ ბოლომდე მიღებული არ არის, თუმცა გაზეთს წყარომ აცნობა, რომ ის განპირობებულია დანაკარგებით, რომელსაც ჩრდილოეთ კავკასიის იატაკქვეშეთთან ბრძოლაში მოსკოვი განიცდის.

მარტო აგვისტოს ბოლო კვირის განმავლობაში ანტიტერორისტულ ძალებს 15 დაღუპული და 11 დაჭრილი ჰყავს და ბოევიკთა აქტიურობა ძალიან ჰგავს პერიოდს, როცა ჩრდილოეთ კავკასიაში შეიარაღებული ბანდების თარეში პიკს აღწევდა.

"ნეზავისიმაია გაზეტას" ინფორმაციით, სავარაუდოდ, ანტიტერორისტულ ზალებს შეუერთდება გენშტაბის მთავარი სადაზვერვო განყოფილების სპეცდანიშნულები რაზმი.

internet.ge