თავისი საელჩოს დასაცავად
აშშ-მა იემენში საზღვაო ქვეითები გაგზავნა. ამის შესახებ მედია ამერიკის თავდაცვის
სამინისტროზე დაყრდნობით იუწყება.
„ნაწილობრივ ეს არის
საპასუხო ზომა ბოლო ორი დღის მოვლენებზე, რაც ჩვენს საელჩოსთან მოხდა, ნაწილობრივ
კი უსაფრთხოების ზომებია,“ - განაცხადა პენტაგონის წარმომადგენელმა ჯორჯ ლითლმა.
მანამდე გავრცელდა
ინფორმაცია, რომ ლიბიაში აშშ-ის ელჩის მკვლელობის შემდეგ ასევე გაიგზავნა ამერიკელ
საზღვაო ქვეითთა ჯგუფი 50 კაცის შემადგენლობით.
იემენში დღეს
დემონსტრანტთა ჯგუფი აშშ-ის საელჩოს ტერიტორიაზე შეიჭრა. არეულობის შედეგად 4
აქტივისტია ლიკვიდირებული.
Internet.ge
