სამხედრო წრთვნების გახსნასა და მის პირველ ეტაპს პირადად დაესწრება პრეზიდენტი ვლადიმერ პუტინი.

სწავლება ნოვოროსიისკის „რაევსკის“ პოლიგონზე ჩატარდება.

წრთვნის დამთავრების შემდეგ კი პუტინი აპირებს ჯილდოები გადასცეს სამხედრო მოსამსახურეებს, რომლებიც აღნიშნული სწავლებისას გამორჩეულნი იქნებიან.

„კავკაზ 2012“ 17-დან 23 სექტემბრამდე გაგრძელდება.

ეს არის ყველაზე მასშტაბური სამხედრო სწავლება, რომელშიც 8 ათასი ადამიანი და 300 საბრძოლო მანქანა მონაწილეობს.

საქართველოში მიიჩნევენ, რომ 1-ელ ოქტომბერს დაგეგმილი საპარლამენტო არჩევნების ფონზე აღნიშნული წრთვნის ჩატარება რუსეთს მხრიდან ძალის დემონსტრირებაა.
მანამდე რუსეთს არაერთხელ მოუწოდეს, გააუქმოს ან გამჭვირვალე გახადოს წრთვნები. ნატოს გენერალურმა მდივანმა კი განაცხადა, რომ მოსკოვმა ცალსახად უნდა განმარტოს წრთვნების მიზნები.

ცოტა ხნის წინ კი რუსეთმა მიიღო გადაწყვეტილება, რომ „კავკაზ 2012“-ში აღარ მიიღებენ მონაწილეობას საქართველოს ოკუპირებული რეგიონებში განთავსებული რუსეთის სამხედრო ბაზები. როგორც ოფიციალურმა მოსკოვმა განაცხადა, ეს ნაბიჯი საქართველოში წრთვნებთან დაკავშირებული ეჭვების გამო გადადგეს.

Internet.ge