საქართველოში ოფიციალური ვიზიტით ნატოს გენერალური მდივნის მოადგილე ოპერაციების დარგში ელჩი სტეფან ევანსი იმყოფება. თავდაცვის სამინისტროს ინფორმაციით,  ჩრდილოატლანტიკური ალიანსის წარმომადგენელი საქართველოს თავდაცვის მინისტრთან ერთად დღეს ეროვნულ სასწავლო ცენტრ „კრწანისში“ იმყოფებოდა. 

დიმიტრი შაშკინმა და ნატოს გენერალური მდივნის მოადგილემ საქართველოს შეიარაღებული ძალების IV ქვეითი ბრიგადის 42-ე ბატალიონის სამხედრო მოსამსახურეებს სიტყვით მიმართეს. სტეფან ევანსმა ქართველ სამხედროებს მადლობა გადაუხადა ISAF-ის მისიაში მონაწილეობისთვის. სიტყვით გამოსვლაში მან აღნიშნა, რომ ეამაყება იმ ქართველ სამხედრო მოსამსახურეებთან შეხვედრა, რომელიც მომავალი წლის მარტში სამშვიდობო მისიას შეასრულებენ ავღანეთში.

internet.ge