საქართველოში ოფიციალური ვიზიტით მყოფმა აშშ-ის სამხედრო ექსპერტთა სპეციალურმა ჯგუფმა საქართველოს თავდაცვის სისტემის საბრძოლო-საინჟინრო სფეროში სიტუაციის შეფასება დაასრულა.

თავდაცვის სამინსიტროს ინფორმაციით, სამხედრო  ექსპერტები საქართველოში აშშ-საქართველოს შორის თავდაცვის სფეროში არსებული 6 პუნქტიანი  გეგმის ინპლემენტაციის მიზნით იმყოფებოდნენ. აშშ-სა და საქართველოს პრეზიდენტებს შორის მიღწეული შეთანხმების ერთ-ერთი კომპონენტი საქართველოს  თავდაცვითი საბრძოლო-საინჟინრო შესაძლებლობების განვითარებაა.

ამერიკელი ექსპერტები  საქართველოს თავდაცვის სამინისტროს გაერთიანებული შტაბის ხელმძღვანელობას შეხვდნენ, შეისწავლეს  საქართველოს თავდაცვითი სარძოლო-საინჟინრო შესაძლებლობები. არსებული სიტუაციის ანალიზის შემდეგ, ამერიკელი ექსპერტები საქართველოს საბრძოლო - საინჟინრო შესაძლებლობების გაძლიერების დოქტრინას შეიმუშავებენ.

როგორც უწყებაში აღნიშნავენ დოქტრინის შემუშავებამდე კი ამერიკელი სამხედრო ექსპერტების ვიზიტის დროს  საბრძოლო-საინჟინრო სპეციალისტების მომზადების სკოლის შექმნა გადაწყდა, ასევე განხორციელდება საბრძოლო-საინჟინრო ბატალიონების მომზადება, რაც მოიცავს თავდაცვითი შესაძლებლობების არსებითი კომპონენტის, კონტრ-მობილურობის შესაძლებლობების განვითარებას, კონტრ-მობილურობის ტაქტიკისა და ტექნიკის შესწავლას, როგორიცაა ჯავშანსატანკო დაბრკოლებების შექმნა და გაუვნებელყოფა.

„საქართველოს თავდაცვითი საბრძოლო-საინჟინრო პოტენციალის გაძლიერება საქართველოს თავდაცვის სამინისტროს ახალი კონცეფციის ერთ-ერთი კომპონენტის - „ტოტალური თავდაცვის“ შემადგენელი ნაწილია.“,- აღნიშნულია ატავდაცვის სამინისტროს განცხადებაში.

Internet.ge