სპეცსამსახურების მუშაობის წყალობით ჩრდილოეთ კავკასია გაწმენდილია ბანდფორმირებების ოდიოზური მეთაურებისგან - განაცხადა რუსეთის „ფსბ“-ს დირექტორმა ალექსანდრე ბორტნიკოვმა.

„ჩვენ ეფექტურად მოვახერხეთ საერთაშორისო ტერორისტულ სტრიქტურებთან შეწინააღმდეგება, რომლის ლიდერებიც ჩრდილოეთ კავკასიაში იმყოფებოდნენ. დღევანდელი დღისთვის ოდიოზური ფიგურები იქ აღარ არიან,“ - განაცხადა ბორტნიკოვმა.

ამასთან, მან ხაზი გაუსვა, რომ საერთაშორისო ტერორისტული ორგანიზაცია „ალ-ქაედა“ ისევ რჩება საფრთხედ.

„ეს რეალური საფრთხეა, მიუხედავად იმ ოპერტაციებისა, რომლებიც ბოლო პერიოდში მათი ლიდერების წინააღმდეგ ჩატარდა,“ - განაცხადა მან.

„ფსბ“ აცხადებს, რომ ბენ ლადენის ლიკვიდაციის მიუხედავად, „ალ-ქაედა“ საფრთხედ რუსეთისთვისაც რჩება.

Internet.ge