ნატო-ს გენერალური მდივნის სპეციალური წარმომადგენელი
სამხრეთ კავკასიისა და ცენტრალურ აზიაში, ჯეიმს აპატურაი, დღეს, საქართველოს
საგარეო საქმეთა მინისტრის მოვალეობის შემსრულებელ გრიგოლ ვაშაძეს შეხვდა.
შეხვედრის
შემდეგ მხარეებმა ერთობლივი პრესკონფერენცია გამართეს. აპატურაიმ საქართველოს ავღანეთის ოპერაციაში გაწეული წვლილისთვის მადლობა გადაუხადა. მისი თქმით, საქართველოს
კონტრიბუცია ძალიან მნიშვნელოვანია.
„ჩვენ დავიწყეთ დაგეგმვის პროცესი იმისა, თუ როგორ გაგრძელდება 2014 წლის შემდეგ ნატო-ს მისია ავღანეთში. ვიმედოვნებთ, რომ საქართველო ჩართული იქნება ამ პროცესში და ასევე ვიმედოვნებთ, რომ საქართველო დარჩება ავღანეთში და 2014 წლის შემდგომ მისიაშიც მიიღებს მონაწილეობას“,- განაცხადა აპატურაიმ.
internet.ge
