რუსეთმა, შესაძლოა, მიიღოს გადაწყვეტილება ევროპული ანტისარაკეტო სისტემების ობიექტებზე უპირატესი დარტყმის შესახებ - განაცხადა რუსეთის გენერალური შტრაბის ხელმძღვანელმა, არმიის გენერალმა ნიკოლაი პატრუშევმა.

რუსული მედიის ცნობით, დღეს, მოსკოვში ანტისარაკეტო თავდაცვის სისტემებთან დაკავშირებული საერთაშორისო კონფერენცია მიმდინარეობს. კონფერენციაზე გაცხადდა მოსკოვის პოზიცია, რომ აშშ-სთან მოლაპრაკებები ამ საკითხზე, თითქმის, ჩიხშია შესული.

პატრუშევის თქმით, „რუსეთის სამხრეთით და ჩრდილო-დასავლეთით, ახალი შეტევითი სისტემების განთავსება, მათ შორის კალინინგრადში „ისკანდერებისა“, არის   ევროპული ანტისარაკეტო თავდაცვის ინფრასტრუქტურის განადგურების ერთ-ერთი შესაძლო ვარიანტი“.

პატრუშევის თქმით, ანტისარაკეტო თავდაცვის სისტემების გამანადგურებელი ხასიათის გათვალისწინებით, გადაწყვეტილება უპირატესი დარტყმის შესახებ, „ვითარების გართულების პერიოდში“ იქნება მიღებული.   

Internet.ge