თურქეთის სამხრეთ-აღმოსავლეთით, საზღვრისპირა პროვინცია ხატაისკენ კვლავ მიემართება დამატებითი ჯავშანტექნიკა, ტანკები, არტილერია და საზენიტო-სარაკეტო კომპლექსები - იუწყება „რადიო თავისუფლება“, რომლის თანახმადაც სამხედროებს მიცემული აქვთ ბრძანება, პასუხი გასცენ სირიის მხრიდან ნებისმიერ პროვოკაციას.

ადგილობრივი ხელისუფლების წარმომადგენელმა განაცხადა, რომ სამხედრო ტექნიკა მეზობელ პროვინციაშიც იყრის თავს.

სირიასთან მოსაზღვრე რაიონებში - თურქულ მხარეს 30 ათასზე მეტი სირიელი დევნილი იმყოფება, რომლებიც ბაშარ ასადის რეჟიმის მხრიდან დევნის გამო თურქეთს აფარებენ თავს.

Internet.ge