ეს ყველაზე სისხლიან დღედ ჩაითვალა სირიის კონფლიქტის ისტორიაში – წერს უცხოური მედია.
330 მსხვერპლი მეამბოხეებმა აღრიცხეს. მათ შორისაა 200 ადამიანი, რომელთა ცხედრებიც ოპოზიციის ძალებმა დამასკოში იპოვეს. ისინი იუწყებიან, რომ დაღუპულთა დიდი ნაწილი მკვლელობების მსხვერპლია, რაზეც პასუხისმგებლობას ბაშარ ასადის ძალებს აკისრებენ.
ადამიანებს კლავდნენ საკუთარ სახლებში და სარდაფებში, სადაც მშვიდობიანი მოსახლეობა დაბომბვისას იმალებოდა - ამბობს ოპოზიცია.
როიტერმა გაავრცელა ვიდეო, რომელიც მეამბოხეებმა მიაწოდეს. კადრებში ერთმანეთზე დაწყობილი, მათ შორის, ძალიან ახალგაზრდების გვამები ჩანს.
internet.ge
