2014 წლისთვის რუსეთის სამხრეთით ჰაერსაწინააღმდეგო თავდაცვის სპეციალური დაჯგუფება განთავსდება. ამის მიზეზად სოჭის ოლიმპიადა სახელდება. როგორც სამხედრო-საჰაერო ძალების სარდალმა ანდრეი იუდინმა „ინტერფაქსს“ განუცხადა, სპეცდაჯგუფებაში შევლენ საზენიტო სარაკეტო კომპლექსები და მცირე სიშორის კომპლექსები.

საფრანგეთისა და გერმანიის სამხედრო ინსპექტორები „ღია ცის“ შეთანხმების ფარგლებში რუსეთისა და ბელორუსის სამხედრო ობიექტებს შეამოწმებენ. ინსპექციისთვის საფრანგეთის სამხედრო-საჰაერო ძალების თვითმფრინავს გამოიყენებენ.

ისრაელი საქართველოსთვის იარაღის მიწოდებაზე ემბარგოს ინარჩუნებს და იმედოვნებს, რომ რუსეთი ასევე ყურადღებით მოეკიდება ისრაელის ინტერესებს მესამე ქვეყნებთან სამხედრო-ტექნიკური თანამშრომლობის დაგეგმვის დროს.

აზერბაიჯანული გაზეთები თავდაცვის სამინისტროს პრეს-სამსახურზე დაყრდნობით ავრცელებენ ინფორმაციას, რომ წუხელ აზერბაიჯანული პოზიციები მოწინააღმდეგემ რამდენიმე მიმართულებით დაცხრილა.

არსებობს რისკი, რომ აზერბაიჯანსა და სომხეთს შორის შეტაკებები, რომელთა დროსაც მინიმუმ, 10 ჯარისკაცი დაიღუპა, ომში გადაიზარდოს. ეს იმ რეგიონში, სადაც კომპანია „BP“-მ და მისმა პარტნიორებმა ენერგეტიკულ პროექტებში 35 მილიარდი დოლარი ჩადეს - აცხადებს საერთაშორისო კრიზის-ჯგუფის ექსპერტი საბინა ფრეიზერი.

„ყველანაირი დახმარება უნდა შეწყდეს. თქვენ სამხედრო ტექნიკას აწვდით და ეხმარებით ადამიანების კვლაში“ - განაცხადა არაბულ სახემწიფოთა ლიგის გენერალურმა მდივანმა ახმედ ბენ ჰელიმ.

სირიაში მორიგი მასშტაბური მსხვერპლია. ადგილობრივი აქტივისტები 89 დაღუპულის შესახებ იუწყებიან. მათივე ინფორმაციით, წითელი ჯვრის კომიტეტი ჯერჯერობით ვერ ახერხებს ქალაქ ჰომსიდან სამოქალაქო პირების ევაკუაციას.

რუსეთის საგარეო საქმეთა სამინისტრომ პირველად აღიარა, რომ სატვირთო ხომალდ „ალაედს“, რომელიც რამდენიმე დღის წინ ბრიტანეთის ტერიტორიულ წყლებში შეაჩერეს და ისევ რუსეთში დააბრუნეს, სირიაში სამი სამხედრო ვერტმფრენი მი-25 მიჰქონდა.

რუსეთის მიერ კასპიის ზღვაში დაწყებულ სამხედრო სწავლებას აზერბაიჯანელი ექსპერტი კასპიის აუზის ქვეყნებისადმი მიმართულ მოსკოვის მესიჯს უწოდებს.

ეუთომ სომხეთ-აზერბაიჯანის შეიარაღებული ძალების ურთიერთშეხების ხაზზე მონიტორინგი ჩაატარა და როგორც აზერბაიჯანის თავდაცვის სამინისტრო იუწყება, ამ პროცესმა ინცინდენტების გარეშე ჩაიარა.

პირველ რიგში სირიიდან მშვიდობიანი მოსახლეობისა და სამხედროების გაყვანა იგეგმება, რომლებიც ტარტუსში, რუსეთის სამხედრო-საზღვაო ფლოტის მატერიალურ-ტექნიკური უზრუნველყოფის პუნქტში არიან განთავსებულები.