“კლერმონ ოვერნის” ქართველი ბურჯი დავით ზირაქაშვილი საფრანგეთის “ტოპ 14”-ის მე-4 ტურის სიმბოლურ ნაკრებში მოხვდა. კლერმონელებმა ამ უქმეებზე მშობლიურ “მარსელ მიშლენზე” პარიზული “რასინგ მეტრო 92” უმძიმეს ბრძოლაში 13:12 დაამარცხეს და “ბორჯღალოსანი” ერთ-ერთი საუკეთესო იყო მოედანზე.

საქართველოს ნაკრების 28 წლის მორკინალი “კლერმონის” სასტარტო შემადგენლობაში გამოვიდა ტრადიციულად 3 ნომრის პოზიციაზე და მეორე ტაიმში იქნა შეცვლილი. შეგახსენებთ, რომ საფრანგეთის და ევროპის ერთ-ერთი უძლიერესი კლუბის შემადგენლობაში თამაშობს “ბორჯღალოსანთა” კიდევ ერთი მორაგბე - ვიქტორ კოლელიშვილი.

Internet.ge