საქართველოს ნაკრების 10-მა ნომერმა მერაბ კვირიკაშვილმა საფრანგეთის “ფედერალ 1”-ის სეზონი შესანიშნავად დაიწყო და პირველი ტურის მატჩში 22 ქულა მოუტანა თავის “სენ-ჟუნიენს”, რომელმაც უმძიმეს ბრძოლაში დაამარცხა “ნევერსი” 32:30.

“ბორჯღალოსანთა” უკანა ხაზელმა შეუცვლელად ჩაატარა მთელი შეხვედრა, რომლის ბოლო წუთზეც გადამწყვეტი გარდასახვა გაიტანა. 28 წლის მორაგბემ მთლიანობაში 6 საჯარიმოსა და 2 გარდასახვის რეალიზება მოახერხა და საუკეთესო იყო მოედანზე ორივე გუნდის შემადგენლობაში.

ცნობისთვის, “ფედერალ 1” სიძლიერით მე-3 ჩემპიონატია ფრანგულ სარაგბო სისტემაში “ტოპ 14”-ის და მე-2 დივიზიონის შემდეგ.

Internet.ge