მასიმილიანო ალეგრი “მილანის” მთავარი მწვრთნელის პოსტიდან შესაძლოა უკვე კვირას გაათავისუფლონ, როდესაც “როსონერები” იტალიის სერია “ა”-ს მე-4 ტურის მატჩში “უდინეზეს” შეხვდებიან.

ამ სეზონში მილანელებმა სულ ოთხი მატჩი ჩაატარეს, საიდანაც მხოლოდ ერთი მოიგეს და ფრედ ითამაშეს ჩემპიონთა ლიგის პირველ ტურში “ანდერლეხტთან” 0:0.

კლუბის პრეზიდენტი სილვიო ბერლუსკონი უკვე ფიქრობს მთავარი მწვრთნელის შეცვლაზე და ამ პოსტზე მაურო ტასოტის კანდიდატურა განიხილება, რომელიც მთავარი მწვრთნელის ასისტენტად 2001 წლის შემდეგ მუშაობს.

Internet.ge