საქართველოს ნაკრების მორკინალი დიმიტრი ბასილაია კვლავ მოხვდა “ედინბურგის” განაცხადში “რაბოდაირექტ პრო12”-ის (ყოფილი “მაგნერსის” ლიგა, სადაც თამაშობს ირლანდიის, უელსის, შოტლანდიის და იტალიის 12 საუკეთესო კლუბი) მე-5 ტურის შეხვედრაში, სადაც შოტლანდიური გუნდი უელსური ნიუფორთის “როდნი პარადზე” ადგილობრივ “ნოუფორთ გვენ დრეგონსს” შეერკინება.

“ბორჯღალოსანთა” შერკინების მესამე ხაზელი სათადარიგოთა შორის იქნება მე-19 ნომრად და დიდი შანსია, რომ მოედანზე გამოჩნდეს. ჩემპიონატის 4 ტურის შემდეგ “ედინბურგს” 2 მოგება და ამდენივე წაგება აქვს და სადღეისოდ მე-6 პოზიცია უკავია 12 გუბდს შორის. “ნიუფორთ გვენ დრეგონსი”-“ედინბურგის” შეხვედრა დღეს თბილისის დროით 22.00 საათზე დაიწყება.

Internet.ge