საქართველოს ნაკრების შერკინების მარჯვენა ბურჯმა დავით ქუბრიაშვილმა ორშაბათს “ტულონის” შემადგენლობაში ვარჯიში განაახლა. “ბორჯღალოსანთა” 25 წლის მორაგბემ მუხლის ტრავმა საფრანგეთის “ტოპ 14”-ის მე-5 ტურის შეხვედრაში მიიღო მამუკა გორგოძის, გიორგი ჟღენტისა და მიხეილ ნარიაშვილის “მონპელიესთან” შეტაკებაში და მას შემდეგ 2 კვირა დასვენება და მკურნალობა მოუწია.

მისი არყოფნა ტულონელთა შერკინებას აშკარად ეტყობოდა ბოლო 2 ტურის განმავლობაში, თუმცა გუშინ კლუბის ექუმებმა “დუდუს” სირბილის უფლება დართეს და იმედოვნებენ, რომ ქართველი ლეგიონერი მალე შესძლებს მოედანზე დაბრუნებას.

Internet.ge