ევროპის ყველაზე პრესტიჟული საკლუბო ტურნირის, “ჰაინიკენის” თასის პირველ
ტურში ჩვენთვის ყველაზე საინტერესო მატჩი ტულონის “ფელიქს მაიოლზე” გაიმართა,
სადაც დიდ ფრანგულ-ქართულ დერბიში დავით ქუბრიაშვილის, კოტე მიქაუტაძისა და ლევან
ჩილაჩავას “ტულონმა” მამუკა გორგოძის, გიორგი ჟღენტისა და მიხეილ ნარიაშვილის
“მონპელიე” ბონუსქულით (4 ან მეტი დადებული ლელოსათვის გუნდს დამატებითი ბონუსქულა
ენიჭება 4+1) გაანადგურა 37:16.
მარცხის მიუხედავად ლამაზი ლელოთი გამოიჩინა თავი საქართველოს ნაკრების
ლიდერმა მამუკა გორგოძემ, რომელმაც დასასრულამდე 9 წუთით ადრე თავისი გუნდის
ერთადერთი ლელო დადო. მონპელიელთა რაზმში მეორე ტაიმში შევიდა შეცვლაზე ჯღენტი,
ხოლო ნარიაშვილი ტრავმირებულია.
რაც შეეხება “ტულონს” - ქუბრიაშვილი მეორე ნახევარში გამოჩნდა მოედანზე,
მიქაუტაძე და ჩილაჩავა კი საამმატჩო განაცხადში ვერ მოხვდნენ.
Internet.ge
