გიორგი ნემსაძემ თბილისის “დინამოს“ სპორტული დირექტორის თანამდებობა დატოვა. დატოვების შესახებ ოფიციალური განცხადება, კლუბის ვებვერდზე გამოქვეყნდა.

ნემსაძის განცხადებით, თანამდებობის დატოვების მიზეზი, გუნდის მიერ ნაჩვენები თამაშის ხარისხი და არსებული შედეგი გახდა.

„გუნდის მიერ ნაჩვენები თამაშის ხარისხის და არსებული შედეგიდან გამომდინარე, საკუთარ პასუხისმგებლობასაც ვგრძნობ და გადავწყვიტე კლუბის სპორტული დირექტორის თანამდებობის დატოვება. მინდა მადლობა ვუთხრა კლუბის პრეზიდენტს,  რომან ფიფიას, დინამოს ყველა თანამშრომელს. დინამო ჩემთვის ყოველთვის მშობლიური კლუბი იყო და ასეთად დარჩება მომავალშიც“,- ნათქვამია განცხადებაში.

საფეხბურთო კლუბი “დინამო თბილისი” მადლობას უხდის გიორგი ნემსაძეს გაწეული სამუშაოსთვის და წარმატებებს უსურვებს.

Internet.ge